Raat

Ai raat

Teri aankho se dekhte hain jab khud ko

Thodi si roshan…thodi si purnoor

Zindagi dikhaayi deti hai

Shor ke nishaan peechhe chhod kar

Jab tu aati hai dabe paanv

Tere syaahi se kaalepan me

Khamoshi ki awaaz

Sunaayi deti hai

Ai raat

Tu nahi dhalegi yunhi

Kisse kahaniyaan, loriyaan

Aur ishq ko

Sunsaan chhod kar

Tere chaand ki roshni

Tere sitaaron ki chamak

aur tere veeraan saaye

ye sab

ab mere hain.

Devanshi

Sep 27, 2015