Dhuaan

Jaane kis cheez ka dhuaan hai
Angeethi se nikal kar
Har jagah yun fail gaya hai
Jaise har kona pehchaanta ho

Ghar ke saarey kisse kahaniyaan
Dhuyein ke saath hokar
Khidki ke dareecho se bahar ja rahe hain
Kuch aise
Jaise kai cheezein
Saath le ja rahe hon

Kuch yaadein

Kuch khwahishein
Chutki bhar hansee
Aur ek mai.

Shayad is ghar ko ab
In puraani cheezon ki
Zaroorat nahi.


Devanshi
November 19, 2013